Madridning “Real” klubi bosh murabbiyi Karlo Anchelotti kecha “Sevilya”ga qarshi kechgan La Liganing 26-tur uchrashuvida yarim himoyachi Arda Gyuler nima uchun maydonga tushmaganiga izoh berdi.

“Modrichning golidan oldin Gyulerni tushirish haqida o‘ylagandim. Biroq, Luka gol urganidan so‘ng, fikrimni o‘zgartirdim. Bu taktikaning bir qismi va Arda buni tushunishi kerak", - deydi murabbiy.

Uchrashuv “qirollik” klubining 1:0 hisobidagi g‘alabasi bilan yakunlandi. "Real Madrid" 65 ochko jamg‘arib, turnir jadvalida peshqadamlik qilmoqda. Madridliklar eng yaqin raqibidan 8 ochko oldinda.