"Бавария" спорт директори Кристоф Фройнд вингер Лерой Саненинг омадсиз серияси ҳақида гапирди. Охирги марта 28 ёшли германиялик футболчи октябрь ойи охирида "Дармштадт" дарвозасига гол урган эди.
Қолаверса, сўнгги тўртта ўйинда Сане бирорта ҳам самарали ҳаракатни амалга ошира олмади.
“Лерой “Бохум”га қарши ўйинда захирадан майдонга тушганида яхши кўринди. У биринчи бўлимда "Лейпциг"га қарши ўйинда гол уриши керак эди, лекин футболда баъзида ҳамма нарса унчалик оддий эмас. Сане муаммоларини ҳал қилади. У нимага қодирлигини билади, чунки у бир неча бор шунга ўхшаш босқичларни бошдан кечирган", - дейди Фройнд.
