Каталониянинг "Барселона" клуби жамоанинг 16 ёшли ҳужумчиси Ламин Ямалнинг келажаги борасида бир қарорга келди. Mundo Deportivo журналистларининг хабар беришича, клуб футболчи билан янги узоқ муддатли меҳнат шартномаси имзолашга қарор қилишган.

Каталония гранди ва Ямаль вакиллари ўртасида аллақачон келишув мавжуд бўлиб, футболчи 2030 йилгача шартнома имзолайди. Томонлар ўртасидаги амалдаги меҳнат шартномаси 2026 йилда тугайди.

Ламин бу мавсумда ўзини яхши кўрсатди. Иқтидорли футболчи Испания чемпионатининг 25та учрашувида қатнашиб, учта гол ва учта голли узатмага муаллифлик қилган.