20 ёшли ҳимоячи Хуанлу Санчес "Севилья"ни тарк этиб, Испания суперклубига ўтиши мумкин. "Реал" ўнг қанот ҳимоячисига қизиқиш билдирмоқда.
"Лос-Бланкос" Хуанлуни Дани Карвахал ўрнига футболчи сифатида кўрмоқда. Санчес "Севилья"да 2022 йилнинг ёзидан буён ўйнамоқда. Томонлар ўртасидаги амалдаги меҳнат шартномаси 2026 йилнинг июн ойи охирида тугайди.
Transfermarkt портали футболчининг бозор қийматини саккиз миллион еврога баҳоламоқда. Испания чемпионатининг жорий мавсумида Хуанлу 19 учрашувда майдонга тушиб, иккита голли узатмани амалга оширди.