"Зенит" ярим ҳимоячиси Вильмар Барриос "Реал"нинг собиқ футболчиси Хамес Родригеснинг Санкт-Петербург жамоасига ўтиш эҳтимолини баҳолади.
"Нимага йўқ? Агар яхши таклиф бўлса, мен уни "Зенит"да тасаввур қила оламан. Хамес ҳар қандай жамоага ёрдам берадиган ва унинг савиясини кўтарадиган футболчи, мен бунга аминман. У ҳали ҳам ажойиб формада, ҳали ҳам ажойиб футболчи бўлиб қолмоқда", - дея Барриоснинг сўзларидан иқтибос келтиради "Известия".
Хамес Родригес 2023 йилнинг ёзидан буён "Сан-Паулу"да ўйнамоқда. 32 ёшли колумбиялик футболчи аввалроқ “Олимпиакос”, Қатарнинг “Ар-Райян”, “Эвертон”, “Бавария”, “Реал”, “Монако”, “Порту”, “Банфилд” ва “Энвигадо” клубларида тўп тепган.
