Португалиянинг “Спортинг” клуби бош мураббийи Рубен Аморим келажаги ҳақида гапирди. Мутахассисга "Челси" ва "Ливерпуль" клублари қизиқиш билдирмоқда.
“Мен келажагим ҳақида кўп гапиришларини хоҳламайман. Мен ҳаммасини айтдим, бошқа муҳокама қилишни хоҳламайман. Ҳозир менинг фикрларим фақат навбатдаги "Спортинг" билан ўйинга қаратилган. Кейин нима бўлишини кўрамиз", - дейди мутахассис.
Аморим 2020 йилнинг март ойидан буён Лиссабон жамоаси бош мураббийи ҳисобланади. “Спортинг” ушбу устоз қўл остида Португалия чемпиони бўлди ва икки марта мамлакат кубогини қўлга киритди.
