Қатар амири Тамим бин Ҳамад Ал Тани "ПСЖ" ҳужумчиси Килиан Мбаппени француз клубини тарк этмасликка кўндирмоқчи эмас. Бу ҳақда таниқли журналист ва инсайдер Фабрицио Романо хабар берди.
Манбага кўра, парижликларга яқин одамлар Қатар амири Мбаппега янги шартнома таклиф қилмоқчи бўлганини рад этишмоқда. Ҳужумчи анчадан бери "Реал"га ўтишга қарор қилган ва ўз режаларидан воз кечмоқчи эмас.
Мбаппе 2017 йилдан бери "ПСЖ"да ўйнаб келмоқда. 25 ёшли футболчи парижликлар билан 13 та соврин ютган. Жорий мавсумда форвард барча турнирларда 32 та ўйин ўтказиб, 32 та гол ва 7 та голли узатмага муаллифлик қилган.
