Қишки трансфер ойнаси якунлангач, Ла Лига яна бир бор “Барселона”нинг маош чегарасини 270 миллион евродан 204 миллион еврога пасайтирди. Маош чегараси клубнинг мавсум давомида қилиши мумкин бўлган максимал харажатларини билдиради, бу эса жамоани шакллантиришда муҳим рол ўйнайди. Бу кўрсаткич каталонияликлар учун ўтган йилги максимал кўрсаткичдан (648 миллион евро) уч баравар кўпроқдир.
Айни дамда "Барселона" жамоасининг 2023/2024 йилги мавсум учун ҳақиқий қиймати иш ҳақи ва трансфер амортизациясининг умумий суммаси расман 492 миллион евро этиб белгиланган. Улар рухсат этилган даражадан ошиб кетгани учун Ла Лига қоидаларига кўра амалдаги Испания чемпиони янги ўйинчиларни олишдан олдин шартномаларини узишлари керак. Келгуси ёзда ҳамма нарса катта сотув билан якунланиши мумкин. Биз "Барса" балансини сезиларли даражада енгиллаштириши мумкин бўлган ажралиш эҳтимоли юқори бўлган номзодлар доирасини кўриб чиқамиз.
Френки де Йонг
Ҳозирги трансфер қиймати: €80 млн
Ярим ҳимоячи ва "Барселона" 2022 йилнинг ёзига ўхшаш вазиятга яқин турибди, ўшанда клуб "Манчестер Юнайтед"дан фойдали таклиф олганидан кейин уни очиқчасига сотишга ҳаракат қилган. Каталонияликлар уни узоқроқ муддатга сақлаб қолиш учун шартномани узайтириши ёки ярим ҳимоячини сотиши керак. Ҳозирча ҳамма нарса шуни кўрсатадики, 26 ёшли Френки Каталонияда қолишга ҳаракат қилади, бу унга жуда ёқади.
Шу билан бирга, "Барселона"нинг узоқ муддатли лойиҳасида кейин нима бўлишини аниқ тасаввур қилмасдан шартномани узайтириш ҳам футболчи учун хавфли қадам бўлади. Яна бир мураккаб омил де Йлнгнинг маошидир. Мунтазам маошидан ташқари, “Барселона” футболчидан 17 миллион евро қарздор. Собиқ президент Хосеп Бартомеу даврида имзоланган келишув унинг ҳукмронлигининг сўнгги йилларида молиявий қийинчиликларни енгиллаштиришга ёрдам берди, бироқ Лапорта ҳукмронлигига мерос бўлиб қолди.
Рафинья
Жорий трансфер қиймати: €50 млн
Бразилиялик ҳужумчи "Камп Ноу"га 2022 йилнинг ёзида ўша пайтда унинг агенти бўлган ва ҳозирда клубнинг спорт директори бўлган Деку воситачилик қилган шартнома асосида келган эди. Рафиньянинг трансфери "Барса" учун жуда кучли гаров бўлди. Улар деярли 60 миллион евро тўлашди ва у билан 2027 йилнинг ёзига қадар шартнома имзолашди. Икки мавсум давомида Рафинья 72 та ўйин ўтказиб, 14 та гол урди ва 19 та голли узатмани амалга оширди.
Жорий мавсумда 16 ёшли Ламин Ямалнинг шов-шувли пайдо бўлиши ўнг қанотда ўзини кўрсатишга бўлган ҳар қандай ҳақиқий умидга барҳам берган кўринади. "Барса" ходимлари Ямалнинг ўйин вақтига эҳтиёткорлик билан муносабатда бўлишди, аммо январ ойи ўрталарида Рафинья яна жароҳат олгани сабабли, Ламин асосий таркиб футболчисига айланди.
Роберт Левандовски
Жорий трансфер қиймати: € 20 млн
Ўтган мавсумнинг иккинчи ярми ҳужумчи учун омадли бўлмади. ЖЧ 2022дан сўнг "Барса" янги тактик схемага ўтди, полшалик эса бунга мослаша олмади. Жорий мавсумда кўп нарса ўзгармади. 26 турдан кўпроқ вақт давомида Роберт Ла Лигада бор-йўғи 13 та гол урди. "Барселона" каби клубда ишлар ёмон кечса, натижа бермаётган катта маошга эга бўлган йирик номларга жиддий эътибор берилишини кутиш мумкин.
Левандовски сустлашди ва унинг келажаги сўнгги пайтларда Каталонияда қизғин мавзуга айланди. 3+1 шартномасига кўра, Роберт бир мавсумда ўртача 26 миллион евро ишлаб олади. Шартноманинг тўртинчи йили 2024/2025 йилги мавсумда "Барса"нинг камида 55 фоизида ўйнаган тақдирдагина фаоллашиши мумкин. Акс ҳолда, каталонияликлар уч йилдан кейин шартномани бекор қилиш ҳуқуқига эга. Кўриниб турибдики, 35 ёшли ҳужумчи кўрсаткичлари пасайганини ва бошқа клубларнинг заиф талабини инобатга олган ҳолда Каталонияда имкон қадар узоқроқ қолиш ниятида.
"Барса" президенти Лапорта уни сотишда таяниши мумкин бўлган ягона элемент бу футболчининг "Бавария"дан ўтишида ҳал қилувчи рол ўйнаган футболчининг агенти Пини Захави билан муносабатлари. Бироқ, Лапорта ва Захави мос таклиф топиш учун биргаликда ҳаракат қилишса-да, улар учун ҳужумчи фаолиятидаги сўнгги йирик клубини тарк этишга ишонтириш жуда қийин бўлади.
Рональд Араухо
Жорий трансфер қиймати: €70 млн
Уругвайлик ҳимоячи "Барселона" таркибидаги энг юқори бозор қийматларидан бирига эга. Клуб омма олдида 2018 йилдан буён Каталонияда ўйнаб келаётган 24 ёшли футболчи жамоанинг “тегиб бўлмас” гуруҳидан жой олгани ҳақида фикр билдирди. Гави, Педри ва Ламин Ямал ҳақида ҳам шундай дейилган. Бироқ, жорий таркибда бу мавсумдан кейин 65 миллион евродан ортиқ таклифларни жалб қила оладиган футболчилар кўп эмас, аммо Араухо улардан бири. Январ ойида "Бавария" унинг учун 75 миллион евро тўлашга тайёр эди.
Ўтган мавсумда Араухо "Барса" билан шартномасини яхшиланган шартлар асосида 2026 йилнинг ёзига қадар узайтирди. Де Йонг сингари у ҳам Каталониядаги ҳаётдан мамнун ва бу йил иккинчи фарзанди бу ерда дунёга келди. Рональдга келсак, унинг жамоадаги кейинги тақдирига иккита омил таъсир қилиши мумкин: клубнинг молиявий мажбуриятларини бажара олишига ишончсизлик ва "Барса"нинг марказий ҳимоячиларни ҳаддан ташқари кўплиги.
Ҳозирда Хавида асосий таркиб учун тўртта вариант бор: Араухо, Жюл Кунде, Иниго Мартинес ва Андреас Кристенсен. Шунингдек, клуб академиясининг жуда иқтидорли футболчиси 17 ёшли Пау Кубарси, бундан ташқари, "Жирона"да ижара асосида яхши мавсум ўтказаётган Эрик Гарсия ҳам бор. "Барселона"га Араухонинг етакчилик ва ўйин яратувчи фазилатлари керак, аммо клуб ёзда молиявий эҳтиёжлари биринчи ўринда турадими ёки йўқлигини ҳал қилиши керак.
