"Милан" ёзги трансфер ойнасида чап қанот ҳимоячиси Тео Эрнандес бўйича таклифлар олиши мумкин. Яқинда хабар қилинганидек, "Бавария" 26 ёшли футболчини қўлга киритиш устида ишламоқда.
Бироқ, журналист Маттео Мореттонинг сўзларига кўра, франциялик футболчига бошқа даъвогарлар ҳам бор: латералга Англия Премьер-лигаси ва Саудия Арабистони чемпионатининг номи ошкор этилмаган вакиллари қизиқмоқда. "Милан" ўз юлдузини 70-80 миллион еврога баҳоламоқда.
Қайд этилишича, Тео Эрнандес ўз фаолиятини Европада давом эттириб, ўзини юқори савияга олиб чиқишни истайди. Миланликлар футболчи билан шартномани узайтиришдан манфаатдор, бироқ ҳали музокараларни бошламаган.
