"Арсенал" жорий мавсум якунланганидан кейин ўз таркибини кучайтиришни кутмоқда. Кўпчилик кутганидек, январь ойида "канонирлар" янги марказий ҳужумчи билан шартнома имзолашмади, аммо ёзда буни амалга ошириши мумкин.
"Арсенал" Габриэль Жезуснинг жароҳати даражасидан хавотирда, шунинг учун улар бразилиялик ҳужумчига муқобил вариант изламоқда. Қисқа рўйхатга Айван Тоуни, Виктор Дьёкереш ва Виктор Осимхен киритилган.
Бундан ташқари, манбанинг хабарига кўра, лондонликлар раҳбарияти ярим ҳимоячи билан шартнома имзолашдан манфаатдор. Мартин Субименди асосий мақсад сифатида кўрилмоқда.
Габриэль Мартинелли ва Букайо Сака билан рақобатлаша оладиган янги вингер сотиб олиш имконияти ҳам ўрганилмоқда.
