Тони Кроос "Реал" - "Севилья" учрашувидаги ҳакамлик ҳақида гапирди.

Мадрид клуби Ла Лиганинг 26-турида 1:0 ҳисобида зафар қучди. Учрашувни Исидро Диаз де Мера бошчилигидаги ҳакамлар бригадаси бошқариб борди. Иккинчи бўлимдаги жароҳат туфайли ҳакамлик вазифаси Карлос Фернандес Буэргога ўтди.

"Мен ўйин давомида ҳакамлар билан баҳслашишни яхши кўрадиганлардан эмасман ва ҳеч қачон бундай қилмайман... лекин бунақа вазият жуда кўп содир бўлди.

Ўйлайманки, биринчи бўлим давомида ҳакамлар бизни ҳар бир вазият учун жазолашди. Ҳатто қоидабузарлик бўлмаганлари учун ҳам.

Худо ҳамма нарсани кўриб турибди. Ҳакам ҳақиқатан ҳам ҳамма нарсани нотўғри қилди, нотўғри вақтда жароҳат олди.

Айтишим керакки, тўртинчи ҳакам анча яхши. У яхши иш қилди”, деди “Реал” ярим ҳимоячиси.