"Манчестер Сити" плеймейкери Кевин Де Брюйне Англия кубоги доирасида "Лутон"га қарши ўйинда (6:2) амалга оширган 4 та голли узатмасига ҳазил билан изоҳ берди. Ушбу учрашувда ҳужумчи Эрлинг Холанд пента-трикка эришди.
"Хайрли тонг, қандай ёрдам бера оламан?" - деб ёзди бельгиялик ярим ҳимоячи ижтимоий тармоқларда ва Холанд билан тушган суратини илова қилиб.
Англия Премьер-лигасининг жорий мавсумида 32 ёшли футболчи еттита ўйинда майдонга тушиб, битта гол ва тўртта голли узатмани амалга оширди. Де Брюйне мавсумнинг биринчи ярмида жароҳат туфайли ўйинларда иштирок этмади.
