"Манчестер Юнайтед"нинг собиқ дарвозабони, ҳозирда эркин агент бўлган Давид де Хеа "Барселона"га ўтмайди. Бу ҳақда Daily Mail нашри хабар бермоқда.
Британиялик журналистларнинг маълум қилишича, испаниялик дарвозабон доимий ўйин амалиётига муҳтож. У Марк-Андре тер Штегеннинг ўринбосари бўлишни истамайди. Шу сабабли, Давид "кўк-анорранглилар" вариантидан воз кечишга қарор қилди.
Де Хеа ўтган ёзда эркин агентга айланди. Аввалроқ, ушбу дарвозабонга Саудиянинг “Ан-Наср” клуби қизиқаётгани ҳам хабар қилинганди, бироқ футболчи фаолиятини Европада давом эттиришни афзал кўрмоқда.
