Сешанба куни Килиан Мбаппе Елисей саройида Франция президенти Эммануэль Макрон ва Қатар амири билан бирга кечки овқат қилди.

Transfer News Live нашрининг хабар беришича, Мбаппе суҳбат чоғида унинг "Реал"га ўтиши масаласи ҳалигача ҳал этилмаганини айтди.

Шу билан бирга, Қатар амири Мбаппега келажакда "Реал"га ўтиш қарори аллақачон қабул қилинганини тушуниб, унга омад тилади.

Килиан Мбаппе эркин агент сифатида "Реал"га ўтиши мумкин - унинг "ПСЖ" билан амалдаги шартномаси жорий мавсум охиригача амал қилади.

Мбаппе 2017 йилнинг ёзидан бери Лига 1 гигантида ўйнамоқда.