"Арсенал"да ҳали ҳам Михаил Мудрикнинг истеъдодини юқори баҳолайдиганлар бор.
Украина терма жамоаси вингери ҳам “Арсенал”, ҳам “Челси” билан музокаралар олиб борди. 2023 йилнинг январида у 70+30 миллион евро эвазига "кўклар" футболчисига айланди.
Мудрик "Арсенал"га ўтиш истагини яширмади ва келишув барбод бўлгач, клуб Михаилнинг тушкунликка тушганини ва бу содир бўлмаганидан хафа бўлганини сезди.
The Athletic хабарига кўра, "Арсенал"да ҳали ҳам Мудрикнинг иқтидорини ривожлантириш мумкинлигига ишонадиганлар бор.
Мудрик “Челси” сафида 43 та ўйин ўтказиб, 4 та гол урди, 5 та голга ассистентлик қилди ва 7 бор сариқ карточка ишлаб олди.
