Москванинг "Спартак" клуби ҳужумчиси Куинси Промес БААни тарк этиб, Россияга қайта олмади. Аввалроқ "Спартак" қишки машғулотларни якунлаб, "Зенит" билан ўйнаш учун Санкт-Петербургга кетгани, Промес БААда қолгани маълум бўлганди.
Baza нашри хабарига кўра, 32 ёшли футболчи Дубай аэропортида чегара назоратида қўлга олинган. Промес бир неча соатдан бери полиция бўлимида "Спартак" хавфсизлик ходимлари билан бирга бўлган.
Манбанинг қайд этишича, ҳибсга олиш сабаби ҳозирча номаълум.
Эслатиб ўтамиз, Промес аввалроқ Нидерландияда олти йиллик қамоқ жазосига ҳукм қилинган эди. Бундан ташқари, футболчи халқаро қидирувга берилган эди. РПЛ 19-туридан ўрин олган “Зенит” – “Спартак” учрашуви 2 март, шанба куни бўлиб ўтади.
