"Манчестер Юнайтед" ҳужумчиси Маркус Рэшфорд жорий мавсумдаги ўйини борасидаги танқидларга жавоб берди.

“Тўғрисини айтсам, одамлар мендан шубҳаланишса, бундан хавотирланмайман. Ҳамма мени севишини айтса, мен шубҳалана бошлайман. Мен дунё қандай ишлашини биламан. Агар мени қўллаб-қувватласангиз, яхши. Агар мендан шубҳалансангиз, бундан ҳам яхшироқ”, - дея Рэшфорд сўзларини келтиради The Players Tribune.

Жорий мавсумда 26 ёшли англиялик манкунианликлар сафида барча турнирларда 32 та ўйин ўтказиб, 5 та гол урди ва 6 та голли узатмани амалга оширди.