Серхио Рамос Килиан Мбаппега "Реал"га ўтишидан олдин ёрдам беради.
Эркин агент сифатида "Реал"га ўтиш фойдасига "ПСЖ" билан шартномасини узайтирмасликка қарор қилган ҳужумчи бир неча ҳафта давомида Мадридга ўтишга тайёргарлик кўрди.
L'Équipe нашри хабарига кўра, Мбаппе Серхио Рамос билан алоқада бўлиб, у билан "ПСЖ"да икки йил бирга ўйнаган. Килиан ҳозирда "Севилья"да ўйнаётган ҳимоячи билан "Реал"га ўтишни муҳокама қилган. Бундан ташқари, Рамос Мбаппега Мадриддан уй топишга ёрдам берди.
Қайд этилишича, Серхио Мадридда бир нечта уйларга эга ва улардан бирини Килианга сотиши мумкин.
Мбаппенинг онаси Файза Ламари ўғли учун уй излаш учун Мадридга келгани аввалроқ хабар қилинганди.
25 ёшли футболчи жорий мавсумда "ПСЖ" сафида 32 та ўйинда майдонга тушиб, 32 та гол урди ва 7 та голли узатмани амалга оширди.
