"Бавария" бош мураббийи Томас Тухель ўтган дам олиш кунлари Бундеслигада "РБ Лейпциг" устидан қозонилган ғалаба унинг жамоасидаги муҳитга қандай таъсир қилганини айтди.
Харри Кейн учрашув сўнгида ғалаба тўпини киритиб, мюнхенликларга уч очко келтирди. “Бу ҳафта яхши ўтди.
Ғалаба ҳар доим ёрдам беради ва охирги дақиқаларда эришилган ғалаба айниқса ёрдам беради. У бизга ишонч берди ва ижобий муҳитни қайтарди.
Эртанги баҳсга тайёргарлик кўриш муҳим. Бизнинг концентрациямиз нормал", деди Тухель матбуот анжуманида.
Эслатиб ўтамиз, бугун тунда "қизиллар" "Фрайбург"га қарши баҳс олиб боради.
