Қозоғистоннинг жорий мавсумидаги чемпионатида 13 та клуб иштирок этади, деб хабар бермоқда лига матбуот хизмати.

Эслатиб ўтамиз, аввалроқ "Мактаарал" минимал лицензиялаш талабларига риоя қилмагани учун иштирок этишдан четлатилган эди.

Натижада ўтган мавсум якунида 14-ўринни эгаллаган "Ақсу" тезлаштирилган лицензиялаш жараёнидан ўтди. Шунингдек, клубдан 1 апрелгача лицензиялаш қоидаларида кўрсатилган барча тартиб-қоидаларни мувофиқлаштириш сўралган. Бироқ бир кун аввал клуб раҳбарияти ҚФЛни молиявий қийинчиликлар туфайли турнирда иштирок этишдан бош тортаётгани ҳақида хабардор қилганди.