«ПСЖ» бош мураббийи Луис Энрике «Монако»га қарши ўйиннинг иккинчи бўлими бошида Килиан Мбаппе нима учун захирага олинганига изоҳ берди.
– Мбаппени жароҳатдан эҳтиёт қилиш мақсадида захира олдингизми ёки бу тактик юришми?
– Бу юз фоиз мураббий қарори. Эртами-кечми биз Килиансиз ўйнашни ўрганишимиз керак. Бу жамоа манфаати учун қабул қилинган қарор.
– Аввал, жароҳат билан боғлиқ вазиятларни инобатга олмаганда, сиз Мбаппени ҳеч қачон захирага олмасдингиз. Мбаппе билан қандайдир муаммо борми? У майдонга тушмаса жамоада ғалаба қозониш учун имконият ошадими?
– Менга бундай "ўйин"лар керак эмас. Мен профессионалман. Муаммолар йўқ. Назаримда, бу жамоа учун энг яхши қарор.
