"Манчестер Юнайтед" дарвозабони Андре Онана жамоага мослашиш учун вақт керак бўлганини айтди.
“Яна аввалгидек кайфиятга қайтишим учун 6-7 ой вақт кетди. Бу мен учун қийин вақт эди. Ҳамма нарса янги эди, кўп сабабларга кўра ўзимни уйдагидек ҳис қилишим қийин бўлди. Янги жой, янги мамлакат. Энди ўзимни хотиржам ҳис қиляпман.
Жамоадошларим доимий равишда менга аввал қандай дарвозабон бўлганимни, бу клубга қайси хизматларим эвазига келганимни эслатиб туришди. Ҳозир эса ўзимни жуда ҳам яхши ҳис этяпман”, - деди камерунлик кипер.
