Луис Энрике ва Килиан Мбаппенинг муносабатлари ёмонлашмоқда.
"ПСЖ" бош мураббийи кетма-кет икки учрашувда ҳужумчини алмаштирди - "Ренн" (65-дақиқада) ва "Монако"га қарши (танаффусда) ўйинда.
RMC Sport нашри хабарига кўра, футболчи ва мураббий ўртасидаги 15 февралгача нормал бўлган муносабатлар Мбаппе ёзда Париж клубини тарк этиши ҳақида шерикларига хабар берганидан кейин ёмонлаша бошлаган.
"ПСЖ" "Монако" билан ўйинда Мбаппени алмаштиргани ва футболчининг захира ўриндиғига эмас, трибунага ўтгани жамоадаги муҳитга салбий таъсир кўрсатмаганини айтди.
"Биз мураббийнинг танловини ҳурмат қиламиз ва Килиан бор эътиборини "Реал Сосьедад"га қарши сафар ўйинига қаратган. Унинг трибунага йўл олиши ҳақида ҳеч қандай баҳс бўлмади. У душ қабул қилган ва кўча кийими ва пойабзалини кийган эди. Клуб менежери расмиятчилик учун уни "ПСЖ" расмий делегацияси таркибига қўшиб қўйди", - дейилади клуб хабарида.
