Суперлига 1-туридан ўрин олган "Бунёдкор" – "Қизилқум" (1:3) учрашувидан сўнг мезбонлар бош мураббийи Иван Бубало матбуот анжуманида иштирок этди.
"Биринчи навбатда мағлубият учун мухлислардан узр сўрайман. Дастлабки таймда жуда ҳам ёмон ҳаракат қилдик. Илк 15 дақиқаликда тўп кирита олмадик ва 3 та зарбадан 3 та гол ўтказиб юбордик. Бизда ҳам иккита яхши вазиятимиз бўлди, фойдалана олмадик. Рақиб эса фойдаланди.
Мавсумнинг илк ўйини доим оғир ўтади. Бу ҳақда футболчиларга ҳам таъкидладим. Ўйинга яхши тайёрлай олмадим, бу менинг хатоим.
Имконим бўлганида танаффусда 9 футболчини захирага олган бўлардим. Фақатгина Маҳамаджонов ва Абдухолиқов вазиятни ўзгартиришга ҳаракат қилди", - деди Бубало.
