Мадриднинг “Реал” клуби ярим ҳимоячиси Браим Диас яқин орада қайси жамоада ўйнашини ҳалигача билмайди.
24 ёшли футболчининг ажойиб ўйини Испания терма жамоаси бош мураббийи Луис де ла Фуэнтенинг эътиборини тортди, аммо ярим ҳимоячини "қизил фурия" сафига таклиф қилиш қийинчилик туғдириши мумкин, чунки у Марокаш миллий терма жамоаси шарафини ҳимоя қилади.
Журналист Хосе Феликс Диас хабарига кўра, "Реал" футболчиси ҳар икки терма жамоада бўлажак ўйинлар учун дастлабки рўйхатга киритилган.
Браимнинг якуний танлови ҳозирча номаълум, аммо Марокаш футбол федерацияси вакиллари бу борада оптимистик.
