"Манчестер Юнайтед" бош мураббийи Эрик тен Хаг дарвозабон Андре Онананинг жорий мавсумдаги ўйинлари ҳақида фикр билдирди.
Эслатиб ўтамиз, камерунлик ёзда "Интер"дан 50 миллион евро эвазига "Олд Траффорд"га ўтганди.
"У ажойиб иш қиляпти. Менимча, Андре аллақачон Англия премьер-лигасига мослашиб бўлган, чунки тараққиёт аллақачон кўзга ташланмоқда.
У сўнгги ўйинларда ажойиб ўйин кўрсатди. Онана жуда яхши дарвозабон эканлигини ҳамма кўриб турибди.
У шундай давом этиши керак", деди Тен Хаг АПЛ доирасида “Манчестер Сити”га қарши ўйин олдидан ўтказилган матбуот анжуманида.
