Мадриднинг "Реал" клуби кеча Испания чемпионати доирасидаги "Валенсия"га (2:2) қарши бўлиб ўтган ўйинда ишлаган ҳакам ишидан норози.
"Қироллик клуби" раҳбарияти ушбу ўйинда катта жанжал юзага келган деб ҳисобламоқда.
Marca нашрининг хабар беришича, мадридликлар ҳакамлик фаолиятини тубдан ўзгартириш ниятида. "Реал" ҳакамлар савиясини ошириш учун уларга доимий босим ўтказмоқчи.
Эслатиб ўтамиз, қўшиб берилган дақиқаларда ярим ҳимоячи Джуд Беллингем “Лос-Бланкос”га ғалаба келтириши мумкин бўлган голни киритган бўлса-да, инглиз футболчиси тўпни дарвозага йўллашидан бир неча сония аввал бош ҳакам якуний ҳуштагини чалди.
