"Барселона" бош мураббийи Хави Испания чемпионатининг 27-тури доирасидаги "Атлетик" билан ўйиндан (0:0) сўнг ярим ҳимоячилар Френки де Йонг ва Педрининг жароҳатлари ҳақида фикр билдирди.
"Икки муҳим футболчининг жароҳат олгани ачинарли. Улар унчалик яхши кўринмаяпти. Бу йўқотишлар жамоага ўз таъсирини ўтказди. Гап жиддий жароҳатлар ҳақида кетяпти. Биз хафамиз, чунки де Йонг ва Педри бироз вақт ўтказиб юбориши мумкин", - деди Хави Marca билан суҳбатда.
Эслатиб ўтамиз, "Атлетик" билан ўйиннинг биринчи бўлимида "Барселона"нинг нидерландиялик ярим ҳимоячиси Френки де Йонг ва испаниялик ярим ҳимоячи Педри жароҳати сабаб кетма-кет майдонни тарк этганди.
