"Манчестер Сити" ярим ҳимоячиси Родриго Эрнандес Англия Премьер-лигаси тарихидаги энг узоқ давом этган мағлубиятсиз серияси бўйича рекорд ўрнатди. Бу ҳақда Footmercato хабар бермоқда.
Эслатиб ўтамиз, Англия Премьер-лигасининг 27-туридан ўрин олган “Манчестер Сити” ва “Манчестер Юнайтед” учрашувида “Шаҳарликлар” 3:1 ҳисобида иродали ғалабага эришди. Испаниялик ярим ҳимоячи Родриго Эрнандес бутун учрашувни майдонда ўтказди ва иккита голли узатмани амалга оширди. Бу ўйин Родрининг клуб сафида барча мусобақалардаги кетма-кет 59-мағлубиятсиз ўйинини қайд этиб, Премьер-лигадаги барча ўйинчилар орасида рекорд ўрнатди.
