“Ливерпул”нинг собиқ ҳужумчиси, ҳозирда “Интер Майами” клуби футболчиси бўлган Луис Суарес уругвайлик ҳужумчи Дарвин Нуньес ҳақида гапирди.

"Ҳа, мен унинг голини кўрдим ("Ноттингем Форест"га урилган ғалаба голи). "Ливерпуль" ва Дарвин учун жуда хурсандман.

Бугун у дунёнинг энг яхши ҳужумчиларидан бири", - дея Суареснинг сўзларини келтиради Goal.

Жорий мавсумда 24 ёшли Нуньес барча турнирларда 38 та ўйин ўтказиб, 14 та гол урди ва 11 та голли узатмани амалга оширди.

Форварднинг “Ливерпуль” билан амалдаги шартномаси 2028 йилнинг ёзига қадар тузилган. Англия Премьер-лигасининг 2023/2024 йилги мавсумида 27 турдан сўнг мерсисайдликлар 63 очко билан турнир жадвалида биринчи ўринни эгаллаб туришибди.

Аввалроқ Юрген Клопп шогирдлари финалда Лондоннинг “Челси” жамоасини мағлуб этиб, Англия лига кубогини қўлга киритганди.