Якшанба куни Англия Премьер-лигасида "Манчестер Сити" ва "Манчестер Юнайтед" ўзаро тўқнаш келишди. "Қизил иблислар" Маркус Рэшфорднинг чиройли голи эвазига ҳисобда олдинга чиқиб олди, аммо "Манчестер Сити" якунда 3:1 ҳисобида ғалаба қозонди.
Daily Mail нашри ўйиндан кейин Рэшфордни танқид қилди. "Фил Фоден ва Эрлинг Холанд кабилар ўз имкониятларини рўёбга чиқаришмоқда, аммо Рэшфорд, очиғини айтганда, ундай эмас", - деб ёзади манба. "Биз Рэшфорднинг "Манчестер Юнайтед"даги муваффақиятининг саккиз йиллигини нишонладик. Аммо барибир у кўпроқ нарсани беришга қодирдек кўринади", - деди журналист.
"Манчестер Юнайтед"нинг навбатдаги ўйини 9 март, шанба куни "Эвертон"га қарши бўлади.
