Франция терма жамоасининг собиқ футболчиси Франк Лебёф Португалия терма жамоасининг 2024 йилги Европа чемпионатидаги истиқболига баҳо берди. Франциялик собиқ футболчининг фикрича, португалияликлар фақат Криштиану Роналдусиз турнирда ғалаба қозониши мумкин.
"Менинг фикримча, Португалия аслида бу ёзда Европа чемпионатида ғолиб чиқишга даъвогарлардан бири. Менимча, улар Европа чемпионатини ютиб олишлари мумкин, лекин Роналду ўйнамасагина", - деди Лебёф BetVictor билан суҳбатда.
Португалия терма жамоаси 2016 йилда Европа чемпиони бўлганди. Ўша финалда португаллар Францияни 1:0 ҳисобида мағлуб этишди. Криштиану Роналду жароҳати сабаб биринчи бўлимда алмаштирилганди.
