Мюнхеннинг "Бавария" клуби марказий ҳимоячиси Маттейс де Лигт ёзги трансфер ойнасида жамоани тарк этиши ҳақидаги миш-мишларга изоҳ берди. Олдинроқ нидерландиялик футболчини Амстердамнинг “Аякс” клуби собиқ бош мураббийи Эрик тен Хаг ишлаётган “Манчестер Юнайтед”га ўтиши мумкинлиги ҳақида хабарлар тарқалган эди.
"Мавсум ҳали тугамади, мен бошқа нарсалар ҳақида ўйламайман. "Бавария"да жуда бахтлиман. Албатта, бу мавсумни мен учун осон деб бўлмайди. Мен узоқ вақтни жароҳатда ўтказдим. Айни пайтда ўзимни яхши ҳис қиляпман. Якунда мураббий майдонга тушиши керак бўлган футболчилар ҳақида қарор қабул қилади. Мен имкон қадар ўйнаб, жамоага ёрдам беришни истайман”, - деди Де Лигт матбуот анжуманида.
