"Бавария" ҳимоячиси Маттейс де Лигт Маурицио Сарри қўл остида Туриннинг "Ювентус" клубида ўйнаган даврини эслади.
Эслатиб ўтамиз, италиялик мутахассис чемпионлар лигаси 1/8 финалининг биринчи ўйинида “Бавария”ни 1:0 ҳисобида мағлуб этган “Лацио” клубини бошқариб турибди. Жавоб ўйини эртага Мюнхенда бўлиб ўтади.
"Сарри қўл остида ўйнаганимга беш йил бўлди. Маурицио билан бир йил ишладим, уни тактикага катта эътибор берадиган мураббий сифатида эслайман. Унинг жамоаларига қарши ўйнаш ҳар доим қийин. Агар биз олдинга силжишни истасак, эртага кучли бўлишимиз керак", - деди Де Лигт матбуот анжуманида.
