"Милан" ва "Челси"нинг собиқ футболчиси Руд Гуллит "ПСЖ" ҳужумчиси Килиан Мбаппенинг келажаги ҳақида ўз фикри билан ўртоқлашди.
"Мбаппе "Реал"га ўтиши мумкинми? Мадрид клуби сизга қўнғироқ қилса, деярли доим "ҳа" деб айтасиз", дейди машҳур футболчи.
Гуллит шунингдек, франциялик ҳужумчининг эҳтимолий танловини тушунишини қўшимча қилди, чунки испан жамоаси билан энг йирик турнирларда, хусусан, ҳали ҳужумчига тақдим этилмаган Чемпионлар лигасида ғалаба қозониш имконияти кўпроқ.
Эслатиб ўтамиз, аввалроқ Мбаппе мавсум якунида Париж клубини тарк этишини маълум қилганди. Килиан фаолиятини қаерда давом эттириши ҳали расман эълон қилинмаган.
