Кай Хавертц "Арсенал" учун сўнгги тўртта ўйинда учта гол урди.

24 ёшли германиялик ярим ҳимоячи АПЛнинг 27-туридан ўрин олган ўйинда (6:0,) "Шеффилд Юнайтед" дарвозасини ишғол қилди.

Аввалроқ Кай "Бёрнли" (5:0) ва "Ньюкасл" (4:1) дарвозаларига гол урган ва "Порту" билан Чемпионлар лигаси ўйинида эса (0:1) самарали ҳаракат қила олмаганди.

Хаверц жорий мавсумда Премьер-лигадаги 7-голини урди. У "Челси"да ўтган мавсум давомида шундай натижага эга эди. У "кўклар" сафида ўйнаган 3 мавсумида атиги бир марта бундан кўпроқ гол урган - 8 та.

Премьер-лиганинг сўнгги учта ўйинида немис футболчиси учта гол урди ва битта голли узатмани амалга оширди.

Барча мусобақаларни инобатга оладиган бўлсак, Кайнинг ҳисобида "Арсенал" сафида 37 ўйинда 8 та гол ва 2 та голли узатма бор. Ўтган мавсумда у "Челси"да 47та ўйинда 9+1 натижа қайд этган.