Дани Ольмо Чемпионлар лигасида "Реал" билан ўйиндан олдинги умидлари билан ўртоқлашди.
Эртага "РБ Лейпциг" ва "Реал Мадрид" жамоалари Чемпионлар лигаси 1/8 финалининг жавоб учрашувини "Сантьяго Бернабеу"да ўтказади.
Биринчи ўйин 1:0 ҳисобида мадридликларнинг ғалабаси билан якунланган эди.
"Бернабеу"да Чемпионлар лигаси плей-офф босқичида ўйнаш... Бу қийин бўлади. У ерда Чемпионлар лигаси кечалари ўзгача ўтган ва ғалаба қозониш йўлида кучли мотивация бор.
Биз ўзимизни "Реал"ни Чемпионлар лигасидан чиқариб юборишга тайёрлаяпмиз. Бу ажойиб ўйин, ажойиб стадион ва бизда имконият бор.
"Бернабеу"даги ўйин режамиз ҳақида ҳеч қандай маълумот бермоқчи эмасман, аммо бизни мавсум давомида кузатиб борганлар қандай ўйнашимиз ҳақида тасаввурга эга бўлишади.
Биз катта ўзгаришларни режалаштирмаяпмиз. Биз "Бернабеу"да бутунлай бошқача ўйин бўлишини кутмоқдамиз, бироқ биз уларга биринчи ўйиндаёқ муаммо туғдирган эдик. Ҳеч бўлмаганда битта гол уриб, кейин гол ўтказиб юбормасликка ҳаракат қиламиз", – деди Ольмо.
