Журналист Даниэль Риоло Килиан Мбаппе захира олинаётган пайтда Луис Энрикени танқид қилди.

Аввалги икки Лига 1 ўйинида "ПСЖ" форварди алмаштирилганди. "Ренн"га қарши ўйинда (1:1) 65-дақиқада, "Монако"га қарши ўйинда (0:0) - танаффус вақтида майдонни тарк этди.

"Жамоада яратган тартибсизликларга қарамай, уни ўйнашга мажбур қилинг, хафагарчиликларга қарамай, ундан ҳозир фойдаланинг. Ҳар ҳолда, усиз ўйнашга кўникиб кетолмайсиз, чунки бу ёзда жамоада ўзгаришлар бўлади. Демак, Луис Энрикенинг усиз ўйнашга кўникиш кераклиги ҳақидаги гаплари жуда аҳмоқона.

Агар бу ёзда ҳеч қандай шартнома имзоланмаса, улар тўғри бўларди - мен буни тушунаман. Аммо агар сиз Мбаппесиз ўйнашга кўникишингиз керак бўлса, унда Эрик Рауни аҳмоқ деб айта оласиз, чунки у ҳозиргача Ле Мелусиз ўйнашга кўникиб қолган бўлиши керак эди. "Брест" кейинги мавсумда Чемпионлар лигасида ёки Европа лигасида ўйнайди, лекин Ле Мелу кетади. Эрик, агар тинглаётган бўлсангиз, Ле Мелуни захира ўриндиғида қолдиринг, чунки усиз ўйнашга кўникишингиз керак бўлади. Холандни эса Пеп Гвардиола захирага қўйсин, чунки у ҳам келаси ёзда кетади", - деди Риоло.