А Серия ҳакамлар қўмитаси раҳбари Жанлука Рокки 27-тур ўйинларида ишлаган уч нафар ҳакамни лавозимидан четлаштиришга қарор қилди, деб хабар бермоқда Sky Sports Italia нашри.

Биринчи бўлиб "Лацио" – "Милан" (0:1) учрашувида 3 та қизил ва 11 та сариқ карточка кўрсатган Марко Ди Белло четлаштирилди. Ўйин назоратини қўлдан чиқаргани учун август ойида жазоланганини инобатга олиб, узоқ муддатга дисквалификация қилинди.

"Торино" - "Фиорентина" (0:0) учрашувида бош ҳакам Маттео Маркетти хатога йўл қўйди, у А Сериянинг кейинги икки турини ўтказиб юборади.

Учинчи дисквалификация эса "Интер"нинг "Женоа"га (2:1) қарши ўйинида ишлаган Жованни Айрольди бўлди.

Италия футбол федерацияси А Серия ҳакамлари ҳимоясига келди ва унинг вакиллари тез орада Рокки билан учрашиб, мавжуд вазиятни муҳокама қилади.