Харри Кейн Чемпионлар Лигаси доирасида "Лацио"га қарши ўйинда дубль қайд этди.

“Бавария” ҳужумчиси 39-дақиқада ҳимоячи Рафаэль Геррейрунинг узатмасидан унумли фойдаланиб ҳисобни очди ва 66-дақиқада иккинчи голини урди.

Бу англияликнинг сўнгги 4 ўйиндаги 4 ва 5-голлари. Аввалроқ у “Лейпциг” (2 та гол) ва “Бохум” (1 та) дарвозасини ишғол қилган.

Умумий ҳисобда Кейн мюнхенликлар сафида 33 та ўйинда 33 та гол урган.