Бир қанча мураббийлар “Манчестер Юнайтед”ни бошқаришни истамоқда.
ESPN хабарига кўра, бир нечта мураббийлар вакиллари инглиз клуби билан боғланишган - улар Эрик тен Хагни келаси мавсум бошлангунга қадар истеъфога чиқишига ишонишмоқда.
Нидерландиялик мутахассис эса "Юнайтед"нинг ёзги режаларини ишлаб чиқишда иштирок этмоқда - бу трансфер мақсадларини аниқлашга ҳам, АҚШ бўйлаб мавсумолди турнени ташкил этишга ҳам тегишли. Бироқ, мураббий янги акциядор Жим Рэтклифф ёки унинг жамоасидан кейинги мавсумда ҳам ўз лавозимида қолиши ҳақида расмий кафолат олмаган.
Манкунианликлар турли мураббийларнинг келажак режаларига эътибор қаратишган. Номзодлар билан ҳозирча музокаралар ўтказилмаган.
АПЛнинг 27-туридан сўнг “Юнайтед” 44 очко жамғариб, турнир жадвалида 6-ўринда бормоқда.
