Bir qancha murabbiylar “Manchester Yunayted”ni boshqarishni istamoqda.

ESPN xabariga ko‘ra, bir nechta murabbiylar vakillari ingliz klubi bilan bog‘lanishgan - ular Erik ten Xagni kelasi mavsum boshlangunga qadar iste’foga chiqishiga ishonishmoqda.

Niderlandiyalik mutaxassis esa "Yunayted"ning yozgi rejalarini ishlab chiqishda ishtirok etmoqda - bu transfer maqsadlarini aniqlashga ham, AQSH bo‘ylab mavsumoldi turneni tashkil etishga ham tegishli. Biroq, murabbiy yangi aksiyador Jim Retkliff yoki uning jamoasidan keyingi mavsumda ham o‘z lavozimida qolishi haqida rasmiy kafolat olmagan.

Mankunianliklar turli murabbiylarning kelajak rejalariga e’tibor qaratishgan. Nomzodlar bilan hozircha muzokaralar o‘tkazilmagan.

APLning 27-turidan so‘ng “Yunayted” 44 ochko jamg‘arib, turnir jadvalida 6-o‘rinda bormoqda.