"Бавария" ҳужумчиси Харри Кейн ЕЧЛ 1/8 финали жавоб учрашувида "Лацио" устидан қозонилган ғалаба (3:0) ҳақида фикр билдирди.
“Биз учун ажойиб оқшом. Ўйин жуда муҳим эди. Биринчи ўйинда 0:1 ҳисобида мағлуб бўлгандик. Албатта, бу биз учун мавсум давомида муҳим лаҳза бўлди - бу энг юқори даражадаги ўйин бўлди. Биринчи гол шунчаки жарима майдончаси ичидаги зарба туфайли киритилди. Биз бутун ҳафта бу ҳақда гаплашгандик. Иккинчи голга келсак, чап оёғим билан гол уришга шошилмадим – вазият ривожланишини кўриш жуда зўр бўлди", — дея Кейн сўзларини келтирмоқда УЕФА матбуот хизмати.
