"ПСЖ" ярим ҳимоячиси Уоррен Заир-Эмери Чемпионлар лигаси 1/8 финали жавоб учрашувида "Реал Сосьедад" устидан қозонилган ғалаба (2:1) ҳақида фикр билдирди.
“Чоррак финалга чиқиш жуда ёқимли. Биз ғалаба қозониш учун келдик ва буни уддаладик. Биз боримизни бердик ва ўйин давомида жуда яхши ўйнадик деб ўйладим. Мураббий айтганини қилдик ва бу ўз натижасини берди.
Биз яхши тайёргарлик кўрдик ва бўлажак ўйинларимизда, хоҳ Франция чемпионатида, хоҳ еврокубокларда ғалаба қозониш умидида шундай давом этамиз. Олдинда мавсумнинг энг муҳим қисми бор ва биз ғалаба қозониш учун қўлимиздан келганини қиламиз, бу бизнинг мақсадимиз", - дея Заир-Эмерининг сўзларини келтиради УЕФА матбуот хизмати.
