Англиянинг «Манчестер Юнайтед» клуби бош мураббийи Алекс Фергюсон «Манчестер Сити» жамоаси бош мураббийи Роберто Манчини томонидан айтилган гапларга ўз изоҳини бериб ўтди. Манчини «қизил иблислар» фақат омад туфайлигина турнир жадвалида биринчи ўринда турганини таъкидлаб ўтган эди.
«Жуда омадимиз келган. Биз мана 25 йилдирки буни одат тарзига киритиб олдик. Бу жуда қўрқинчли одат. Орадаги фарқ бор йўғи 12 очкони ташкил қилиши эса балки Манчинининг ҳам омади борлигини билдирар», дея Фергюсоннинг сўзларидан иқтибос келтирмоқда «Sky Sports» нашри.