"Манчестер Юнайтед"нинг собиқ бош мураббийи Оле-Гуннар Сульшер жамоадаги фаолияти давомида раҳбарият ўша пайтда Лондоннинг "Вест Хэм" клубида ўйнаган ярим ҳимоячи Деклан Райснинг трансферини расмийлаштирмаганидан афсусда.
“Менга Райс жуда ёқади. Жамоа у билан ярим ҳимояда ажойиб кўринарди. Деклан трансфер учун мавжуд эди, лекин қимматга тушди. Биз келишувни амалга оширишимиз мумкин эди ва қилишимиз керак эди", деди Сульшер.
Ўтган ёзда Райс "Вест Хэм"дан "Арсенал"га 100 миллион евро эвазига ўтган эди. Деклан ҳозирда "канонирлар"нинг асосий ўйинчиларидан бири ҳисобланади.
