Мадриднинг “Реал” клуби сардори Начо Фернандес Чемпионлар лигаси 1/8 финалининг “РБ Лейпциг”га қарши жавоб учрашуви натижалари ҳақида ўз фикрларини билдириб ўтди.
Учрашув 1:1 ҳисобида дуранг билан якунланди. Биринчи ўйиндаги муваффақият эвазига Карло Анчелотти шогирдлари Чемпионлар лигасининг чорак финалига йўл олишди.
"Мақсадимизга эришдик ва кейинги босқичга чиқдик. Бу бизнинг энг яхши ўйинимиз бўлмаганини ҳаммамиз тушунамиз, лекин баъзида шундай бўлади. "Лейпциг" ажойиб эди. Лекин асосийси мақсадимизга эришдик. Рақиб яхши ўйнаса ва сиз энг яхши формада бўлмасангиз, буни тан олишингиз керак. Кейинги босқичга чиққанимиздан хурсандмиз", - дея Начонинг сўзларидан иқтибос келтиради УЕФА расмий сайти.
