Кеча Мадриднинг “Реал” клуби Чемпионлар лигасининг 1/8 финали жавоб ўйинида “Лейпциг” билан дуранг ўйнади ва турнирнинг кейинги босқичига йўл олди. “Сантьяго Бернабеу” стадионида кечган учрашув 1:1 (умумий 2:1) ҳисоби билан якунланди.

Шу тариқа, “Лос-Бланкос” ўз тарихида илк бор “Лейпциг” билан дуранг ўйнади. Бунгача учта ўйинда "Реал"нинг иккита (2:0 ва 1:0) ва немис клубининг битта (3:2) ғалабаси қайд этилган.

Эслатиб ўтамиз, жорий Чемпионлар лигасининг гуруҳ босқичида “Реал Мадрид” “Наполи”, “Брага” ва “Унион” билан бир гуруҳда барча учрашувларда ғалаба қозониб, биринчи ўриндан турнирнинг плей-офф босқичига йўлланмани қўлга киритган эди.

“Реал” сўнгги бор 2021/2022-йилги мавсумда “Ливерпул”ни финалда 1:0 ҳисобида мағлуб этиб, Чемпионлар лигасида ғолиб чиққан эди.