Матбуот анжуманининг иккинчи қисмида “Насаф” жамоаси бош мураббийи Рўзиқул Бердиев қатнашди.

— Учрашувдан олдин шогирдларимдан ҳаяжонни босиб олишни сўрагандим. Кўрдингиз, биринчи бўлимда ўйинчиларимизда кучли ҳаяжон бўлди. “Олмалиқ” доимо қарши ҳужумда яхши ўйнади.

— Бугун жамоамизда олдинги характери пайдо бўлганини кўрдик.
— Жамоамиздаги бундай характер яна кучаяди, мақсадимиз ҳам шу. Камчиликларимиз кўп, бунинг устида яна қаттиқроқ ишлаймиз.

— Янги ўйинчилар ўйинга киришиб кетиши қийиндек кўринди?
— Албатта, бу биринчи ўйин эди, боя айтганимдек, бу биринчи ўйинда ҳаяжон бўлди, аммо биз ҳисобни тенглаштиришга эришдик.

— Шоҳруҳ Гадоевни нега майдонга туширмадингиз?
— Унда енгил жароҳат бор, у кейинги ўйинларда албатта майдонга тушади.

— “Насаф” чемпионат бошида юқори ўрин учун курашиб, охирига бориб, оқсаб қолади.
— Биз ўйиндан-ўйинга кучли ўйинлар кўрсатишга ҳаракат қиламиз, бугун ҳам кўрдиларингиз биз ҳужумкор ўйин кўрсатдик.

— Кейинги ўйин “Бунёдкор” билан бўлади, жамоангиз уларга қарши ғалаба учун майдонга туша оладими?
— Албатта. “Бундкор” — кучли жамоа, аммо улар билан ўйнаса бўлади. Қандай учрашув бўлмасин, мақсадимиз ижобий натижа кўрсатиш бўлади.

Матбуот анжумани сўнгида журналистлар Рўзиқул Бердиевга ана шундай яхши жамоа ташкил этганлигиа ва шогирдларининг чиройли ўйин кўрсатгани учун миннатдорчилик билидириб, жамоага мувффақиятлар тилашди.