Испания чемпионати 27 турининг марказий учрашуви Мадридда бўлиб ўтмоқда. «Реал» ўз майдонида «Барселона»ни қабул қилган.
Ушбу учрашувнинг иккинчи бўлими бўлаётган бир вақтда каталонияликлар етакчиси Лэонель Месси яна иккита рекорд янгилашга улгурди.
Биринчи рекорд: Месси кетма-кет 16 учрашувда мамлакат чемпионатида гол киритмоқда. Бу билан Месси ўзига тегишли бўлган рекорд натижани яна янгилади.
Иккинчи рекорд эса анчагина муҳим. Месси томонидан Лопес дарвозасига киритилган гол унинг «эль-класико»ларда киритилган 18 голи бўлди. Бу билан Лео афсонавий Алфредо ди Стефанога етиб олди. Кейинги голи унинг тўла рекордчига айланишига олиб келади.